Ғ.Мүсірепов атындағы жалпы орта білім беру мектебінде 21 желтоқсан күні мектеп тренері Искакова Дамеля Борашевна  "Диалогтік оқыту" тақырыбында коучинг өткізді. Мақсаты: Диалогтік оқытуды оқу үдерісінде тиімді пайдалану арқылы сұрақ түрлерін, әңгіме түрлерін ажыратуға үйрету. Диалог барысында оқушылар (сондай-ақ олардың мұғалімдері) тең құқылы серіктестер болып табылады. Олар бар күштерін келісілген нәтиже алуға жұмсайды және Мерсер (2000) айтқандай, бірлескен білім алу немесе «пікір алмасу» үдерісіне тартылады.
Диалогтік оқыту - мұғалімнің оқу материалын оқушыларға түсіндіріп, оқушылардың сол оқу материалын меңгеруі мақсатында оқу материалын дайындаудың және баяндаушы әңгіме жүргізудің нақтылы реттеуші ережелерін ескере отырып құрылған оқыту мен оқу тәсілі. Оқушыларды мәселені (проблеманы) анықтап, оны шешуге итермелейді және олардың оқудағы іс-әрекеттерін белсенді етуді көздейді.