Алты Алаштың атын әлемге   паш еткен халқымызыдың біртуар перзенттерінің бірі, мақтанышымыз, жерлес жазушымыз Ғабит атамызға-115 жыл.  Ғ.Мүсірепов «Автобиографиялық әңгімесінде» былай деп жазады: Ол күні жер де сілкінбеген, күн түгіл ай да тұтылмаған, есте қаларлық боран да болмаған, ең аяғы қалжа сүйегіне иттер де таласа алмаған. Менсіз де үбірлі-шүбірлі бір қара үйде тағы бір бала туа салған да, басқа балаларының атына ұйқастыра ат берілген» Ғ.Мүсіреповтің өмірі –бай да ұзақ өмір, жазушылық өнері-шынайы мектеп.Ғ.Мүсірепов –қазақ әдебиетінде, проза, драматургия, публистика, журналистика, әдеби сын салаларының дамуына еңбегін сіңірген үлкен суреткер жазушы.

      Қазақ әдебиетінің классигі Ғ.М.Мүсірепов мағыналы да мәрт, сырбаз да сұлу ғұмыр кешті. Ол өз елін, өнерін, еркіндікті, әділетті, өмірді сүйді.

«Бақыт дегеніміз – еркіндік»- деп Ғабит атамыз айтқандай еліміздің Тәуелсіздік туын көкке көтергеніне 25 жылдай уақыт болды.