Бүгін еліміздің барлық мектептерінде алғашқы қоңырау соғылып, салтанатты жиындар өтті. Бұл күн – білім ордалары білім алушыларға есіктерін айқара ашып, мектеп табалдырығын алғаш аттаған кішкентай бүлдіршіндерді ықыласпен қарсы алатын күн. Ғ.Мүсірепов атындағы жалпы орта білім беру мектебінде бес бүлдіршін имене мектеп табалдырығын аттады. Салтанатты жиынды мектеп директоры Тюлеева Клавдия Утегеновна құттықтау сөзімен бастады. Алғашқы қоңырау соққан 11-сыныптың үздік оқушысы Жасуланова Сабина мен 1-сынып оқушысы Дусенбаев Азамат. Салтанатты жиын соңында ата-аналар қатынасуымен "Саналы ұрпақ-жарқын болашақ" тақырыбында сынып сағаттары өтілді.